《伊莎貝拉》

（圖片源自：http://www.isabellathemovie.com）

「一年前，我已經識得你。當時，我真係有諗過陪你返屋企﹗只係我覺得你太鹹濕啦﹗最後都冇﹗」張碧欣躺在床上，暗暗在笑與馬振成的對話﹗

馬振成，一位飽受澳門回歸衝擊的潦倒的警察，喜歡賭博與嫖妓，為金錢從事非法活動﹗身邊只有一位喜歡吃美食的上司，最信得過﹗

張碧欣，張麗華的女兒，日間是一位女學生，夜間流連於澳門的橫街窄巷，酒吧與賭檔都遍佈她的足跡。她最緊張的，是一隻名為"ISABELLA"的小狗，是母親送給她的禮物。張碧欣承諾過不會離棄Isabella，正如她自己的身世一樣。只可惜野蠻的包租公，將Isabella棄置在街上，令張碧欣很悲傷。後來，她遇上一位小女孩，帶著一隻名為「噹噹」的小狗，牠就是Isabella啦﹗當張碧欣流著眼淚時，Isabella用舌頭為她拭乾，很動人﹗

馬振成與一位妓女做愛之後，張碧欣到他的家中吃即食麵。後來，馬振成被那位妓女「踢爆」，惹來麻煩，更以為是張碧欣的所為。張碧欣隨即與馬振成相認：「我係你個女﹗」馬振成出於一片責任與愛心，一盡父職，重新建立父女間之感情。暢遊東望洋燈塔，學習駕駛綿羊仔，玩爆玻璃樽，喝醉酒唱《夢伴》，馬振成與張碧欣心連心啦﹗

即使馬振成清楚知道張碧欣的秘密，自己的身心出現改變，願意為罪行而負責，勸張碧欣戒煙。他展開牢獄生涯前，特別為張碧欣煮一頓午飯，一碗熱湯，一碗白飯，一碟蕃茄煮蛋，一碟蒸魚，一碟菜心，都令張碧欣相當感動，從欣喜變成感動悲傷的表情，自然難忘啦﹗馬振成乘綿羊仔到法庭時，在張碧欣的背上流下眼淚……



（圖片源自：http://hk.movies.yahoo.com）

兩年多後，馬振成出獄，再與張碧欣一起生活，居住那間殘破中很骨子的唐樓，繼續玩橡筋，閒時再學習爆樽，到賭場玩兩手﹗再過多幾年，他們暗暗將相戀的故事紀錄下來，結果被一位叫彭浩翔的導演發現。講人類之間錯綜複雜關係的劇本，一個非常角度的愛情故事，正合這位年青導演胃口，決定編成劇本，更找來相識已久的好友彭秀慧拔刀相助。

後來，彭浩翔根據故事的描述，找到身上有個肚腩的杜汶澤，以及叫"Isabella"的梁洛施，演繹這個精彩的故事。杜汶澤不像馬振成潦倒，富有得可以注資拍攝。他有一位好朋友叫黎明，黎明說過一句「音樂無價﹗」杜汶澤多次與彭浩翔爭拗不休，終於成功保留原有預算，金培達可以安心炮製充滿葡國風味的配樂，寫少幾句對白，用音樂來說故事﹗

馬振成和張碧欣，當然有到戲院看《伊莎貝拉》啦﹗他們更加從報章讀到，飾演他們的杜汶澤與梁洛施，聯同彭浩翔和金培達，盛裝出席柏林影展﹗他們又拿著一個銀色熊仔獎座，笑不攏咀合照，謀殺記者們的菲林。

馬：「個個都咁開心，搞乜呢？」
張：「你睇唔到咩？《伊莎貝拉》贏了最佳配樂銀熊獎嘛﹗」

馬：「點解一定要係熊仔，唔係狗仔呢？」
張：「唔知呢？可能德國人鍾意熊仔啦﹗」

馬：「不如我買隻送畀你啦﹗」
張：「咦……唔鍾意﹗我想要隻狗仔﹗」

馬：「你唔係仲掛住Isabella嗎？」
張：「少少啦﹗多隻狗仔，好好玩﹗」

馬：「不如出去呀﹗」
張：「去邊度？」

馬：「帶你買狗仔咯﹗順便食碗麵啦﹗好肚餓呀﹗」
張：「你個樣夠晒鹹濕啦﹗仲唔夠肥？」

馬：「吸啖新鮮空氣嘛﹗」

在這個時空，有幾多個人，好似馬振成和張碧欣，正在做相同的事呢？可能在你身邊，都有《伊莎貝拉》的故事﹗